Борбата против микротрансакции и виртуелни loot box не е ништо ново и иако многу земју веќе постигнуваат напредок во справувањето со ваквите предаторски елементи на видеоигрите, уште има екстремни случаи.
Во најновото сослушување на оваа тема, што го спроведе британската Влада, беше откриено дека еден играч во играта RuneScape преку микротрансакции потрошил неверојатни 62.000 долари.
Уште поголемо било изненадувањето кога било откриено дека се работи за малолетник кој ги користел кредитните картички на родителите.
Да биде сѐ уште „поинтересно“, играта RuneScape има лимит, што значи дека еден играч не може да потроши повеќе од 1.000 долари неделно или 5.000 долари месечно, па чудно е што еен играч направил толкава сметка, а никој не реагирал.
Микротрансакциите со текот на годините стануваат сѐ поважен дел од игрите, а со доаѓањето на Fortnite почна вистинска експанзија на разни бесмислени додатоци што може да се купат во други игри, што придонесе за поголеми трошоци во самата игра.
Поголемиот дел од гејмерската заедница изразува незадоволство за ова, но со оглед на тоа дека има играчи кои се подготвени да трошат пари, а на компаниите тоа очигледно не им пречи, се чини дека „војната“ допрва почнува.
