Поголем број жени во Полска започнаа штрајк на национално ниво изразувајќи незадоволство од предлог законот за целосна забрана на абортусот. Работнички ја бојкотираат работата, студентки не одат на предавања, а домаќинки ги одбиваат домашните работи.
Агенцијата Associated Press наведува дека затворени се некои фирми и ресторани, а денешниот ден е наречен „Црн понеделник“ и со тоа се изразува бес против предлогот со којшто полскиот закон за абортус би станал уште порестриктивен.
Агенцијата наведува дека тоа е еден од законите од овој тип кој наметнува најголем број ограничувања во Европа и поради тоа биле планиран улични протести.
Рано утрото не било јасно колку масовно ќе биде учеството на штрајкот, како и тоа дали ќе биде ограничен на либералите од големите градови или ќе наиде на поддршка и во малите градови и руралните средини, кои се поконзервативни.
Денешните штрајкови се продолжени на саботните протести на кои излегоа илјадници луѓе кои протестираа пред парламентот на Полска.
