Шведскиот крал Карл Густав одлучи да го укине кралскиот статус на неговите пет внуци за да ги намали парите кои даночните обврзници ги издвојуваат за членовите на кралското семејство, пренесува BBC.
Одлуката значи декан неговите внуци нема да ја носат кралската титула и нема да вршат службени должности. Тие сепак ќе останат членови на кралското семејство и ќе ја задржат титулата војвода и војвотка. Оваа одлука нема да влијае на двајцата кралски внуци кои се во директна линија за наследник на престолот, принцезата Естел и нејзиниот помлад брат, принцот Оскар. Упатените велат дека овој потег го одразува мислењето на пошироката јавност дека нема потреба да се плаќа за толку членови на кралското семејство за вршење на службена должност.
Така, кралските внуци повеќе нема да примаат годишен џепарлак од буџетот.
Родителите на петте деца исклучени од кралски должности, принцот Карл Филип и неговата сопруга принцезата Софија, како и принцезата Мадлен и нејзиниот сопруг на социјалните мрежи ја поздравија одлуката на кралот. Тие сметаат дека ова ќе им помогне на децата да продолжат со нормален приватен живот.
Шведското кралско семејство е првото кое ги измени правилата за наследство во 1980 година, по кои наследник на круната е првороденото дете, без разлика на полот.
