Тирана, 23 февруари 2019 (МИА) – Невреме проследено со силен ветер и снежни врнежи ја зафати речиси целата територија на Албанија.
Силниот ветер низ патштата преврте три тешки товарни возила на различни места во околијата Лежа каде јачината на ветрот беше најголема.
Ветерот урна многу билборди и вертикална сигнализација, откорна дрва и носеше покриви од куќи, а без струја остави неколку делови во земјата.
Во Албанија се вратија и снежните врнежи, кои ги има насекаде, па дури и во пристанишниот град Драч.
Снежната покривка е најголема во северниот и северосточниот дел на земјата, која посебно создава проблеми во одвивањето на сообраќајот на дел од автопатот Тирана-Кукс.
