Земјотрес со јачина од 7,4 степени според Рихтер вчера го погоди мексиканското крајбрежје. Епицентарот се наоѓа во државата Оахака, во близина на летувалиштето Уатулко, соопшти американскиот Геолошки институт.
Во силниот земјотрес загинаа најмалку шест лица, соопштија утрово мексиканските власти.
Некои села се отсечени, а згради се оштетени во главниот град оддалечен стотици километри од епицентарот.
Во текот на вчерашниот ден се слушнале аларми за земјотрес и во Мексико Сити, а во некои делови од градот имало прекин на електричната енергија. Потресот е почувствуван и во Гватемала.
Издадено е и предупредување за цунами, а на луѓето им било препорачано да се оддалечат од брегот.
Фотографиите и видеата објавени на социјалните мрежи покажуваат колкава штета е предизвикана од силниот земјотрес.