Францускиот репрезентативец Антоан Гризман блесна минатата сезона кога го однесе Атлетико Мадрид до финалето на Лигата на Шампиони, а француската репрезентација до финалето на ЕУРО 2016 година, на кое беше прогласен за најдобар стрелец со постигнати 6 голови.
Антоан има 25 години и од него многу се очекува. Но, на извлекувањето на годинешното издание на ЛШ во Монако тој се појави во необична комбинација, а на интернет сите се чудат на неговиот моден стил.
Комбинацијата од класичен сиво-син костум со некласично кратки ногавици во комбинација со блескави сиви патики е навистина храбар потег, но според некои модни експерти целосен моден невкус. Некои пак од нив сметаат дека Антоан е оригинален кога станува збор за модата.
