Модната недела во Њујорк е во полн ек, а за познавачите на модата тоа значи и уште едно издание на една од најпопуларните забави - ICONS Party во организација на списанието Harper's Bazaar.
Годинава на забавата продефилираа низа „олд скул“ ѕвезди и убавици, но и младата постава покажа дека има стил и вкус, со креации и изгледи што поставуваат трендови и стандарди.
Моделот и актерка Емили Ратајковски (28) избра црвен фустан во кој го покажа совршеното тело, исто како и моделот Алесандра Амброзио (38) која носеше креација на Julien MacDonald на настанот што се одржа во Plaza Hotel во Њујорк.
Ерин Волш, стилистката на Адријана Лима (38), точно знае што ѝ прилега на безвременската убавица и за настанот ја облече во металик тоалета на David Koma.
Моделот Вини Харлоу (25) на настанот дојде со дизајнерот Зак Позен и носеше негова креација во која изгледаше како балерина од бајка.
Погледнете ги модните избори и на другите ѕвезди на забавата на Harper's Bazaar:
