Специјалното јавно обвинителство бара на две лица осомничени во случајот „Тендери“ да им се определат мерки за претпазливост.
Ниту од Основниот суд Скопје 1, ниту од Специјалното јавно обвинителство не соопштуваат дали за Министерката за култура, Елизабета Канческа-Милевска се бараат мерки за претпазливост.
Осомничените за кои се бараат мерки за претпазливост треба да се јавуваат еднаш неделно, секој вторник во 10 часот кај определено службено лице во Основниот суд Скопје 1 Скопје.
Освен тоа СЈО бара да им се одземе патната исправа поради постоење на околности кои упатуваат на опасност од бегство.
Случајот „Тендери“ се однесува на изведување на градежни работи на Музејот за македонска борба и државност, од страна на градежното претпријатие „Бетон“, кое било фаворизирано, осомничена е Канческа - Милевска и тројца членови на Комисија за јавни набавки од министерството.
За случајот „Топлик“, односно за продажбата на земјиштето за „Сончев град“ во кој е осомничен поранешниот Министер Јанакиески и пет лица членови на комисијата од ова Министерство за спроведување јавни набавки се побарани мерки за претпазливост.
Од Основниот суд Скопје 1 велат дека мерките за претпазливост се распоредени кај Судија на претходна постапка и дека тој треба да ги викне лицата за да се произнесат по предлогот за да донесе одлука дали ќе ги прифати мерките кои ги бара СЈО.
Инволвираните сториле кривични дела со што грубо ги повредиле јавните набавки и го оштетиле Буџетот на Македонија за по над еден милион евра.