Специјалното јавно обвинителство отвори две нови истраги, соопштија од Обвинителството.
Во краткото соопштение на веб страницата на СЈО се најавува прес-конференција што ќе се одржи во четврток, на 20 октомври во новите простории на Обвинителството на којашто ќе бидат презентирани истрагите.
Специјалното јавно обвинителство досега има поднесено две обвиненија, едното обвинение за насилните протести пред општина Центар, каде првообвинет е поранешниот премиер, Никола Груевски и поранешниот Министер за транспорт и врски, Миле Јанакиески кои се товарат за поттикнување на насилство.
Другото обвинение е покренато за уништување на документи за работата на Системите за следење на комуникациите, а првообвинет за ова е шефот на петтата управа, Горан Грујевски.
Отворени се голем број истражни и предистражни дејствија за многу случаи, но досега никој од функционерите не заврши во притвор, освен битолскиот градоначалник, Владимир Талески кој беше во куќен притвор.