Во врска со објавеното видео на каналот YouTube, а кое се однесува на неовластен упад во електронската пошта на Специјалното јавно обвинителство, од таму известуваат дека тоа навистина се случило, но немало никаква штета, па затоа не пријавиле во полиција.
„Во текот на месец декември 2015 година беше извршен неовластен упад во нашата електронска пошта, по што од наша страна беа преземени сите чекори за зголемување на безбедноста на електронска пошта. Напоменуваме дека во тој период немавме вработено лице кое би се грижело за информатичката безбедност на електронската пошта. Настанот не беше пријавен пред надлежните органи, бидејќи во тој момент немавме никаква реална штета од упадот“, соопштија од СЈО.
Сепaк, најавуваат дека со оглед на тоа дека со објавата на YouTube каналот јасно е изразена целта на упадот во нивната електронска пошта, ќе бидат преземени сите мерки за расчистување на случајот.
Во видеото на YouTube се гледаат мејлови на новинари кои бараат акредитации за следење на работата на Специјалното јавно обвинителство.