Судија на претходна постaпка одреди притвор на едно лице осомничено во предметот „Транспортер“, што минатата недела го отвори Специјалното јавно обвинителство.
Во Кривичниот суд вчера биле сослушани вкупно четири лица, при што на останатите тројца им биле определени мерки за обезбедување. Од Судот соопштуваат дека ќе има официјално соопштение откако ќе бидат сослушани сите 22 лица.
Истрагата за „Транспортер„ опфаќа вкупно 81 криминално дејствија. Во неа осомничен е и Градоначалникот на Битола Владимир Талески, кој заедно со општинскиот претседател на Комисијата за јавни набавки и група превозници ги местеле тендерите за превоз на ученици со што општина Битола го плаќала најскапиот превоз во светот.
Осомничени се 22 лица за злоупотреба на службената положба, а за 11 од нив побарана е мерка притвор.
За градоначалникот Талески, против кого не може да се отвори кривична постапка бидејќи е аболициран од Претседателот, СЈО бара конфискација на имотот, за кој се смета дека е стекнат преку ваквите дејствија. Одлуката за конфискација е на судот.