Европскиот обдудсман Емили О'Рајли побара од Европската комисија да објасни зошто Катар платил за неколку службени патувања на директорот на нејзината транспортна управа.
Генералниот директорат за мобилност и транспорт на ЕК (DG MOVE) Хенрик Хололеи неколку пати летал во бизнис класа со Qatar Airways бесплатно во периодот од 2015 до 2021 година, објави Politico минатата недела. Информацијата подоцна беше потврдена од Европската комисија.
Во писмото објавено денеска, Европскиот омбудсман побара од претседателката на ЕК Урсула фон дер Лајен информации за ваквите службени патувања, предупредувајќи ја на зголемена јавна чувствителност по корупцискиот скандал во Европскиот парламент.
„Веќе спомнав во кореспонденцијата со Европскиот парламент дека ваквите скандали се подарок за оние кои би сакале да ѝ наштетат на ЕУ или да и наштетат на нејзиниот углед“, нагласи О'Рајли.
Катар ги финансирал патувањата на претставници на ЕК токму во времето на преговорите со администрацијата на ЕК за воздушниот сообраќај, истакна Европскиот омбудсман.
Комисијата соопшти дека патувањата биле одобрени бидејќи Хололеи не бил дел од преговарачкиот тим и дека не бил идентификуван конфликт на интереси.
„Јавноста можеби нема да ја види таа разлика бидејќи на крајот извршниот директор е одговорен за тие преговори“, возврати О'Рајли.
Комисијата соопшти дека ги разгледува нејзините упатства.
О'Рајли сака ЕК да одговори на прашањата за транспарентноста и процесот на одобрување патувања до 3 јуни, а исто така бара информации за сите патувања финансирани однадвор од други претставници на ЕУ.
Белгиските власти приведоа двајца европратеници, а третиот беше приведен во Италија, под обвинение дека заедно со други функционери поврзани со Европскиот парламент, добивале пари и подароци од Катар за да влијаат на одредени одлуки. Катар негираше дека сторил нешто лошо.
