Скандалозната организација на ИХФ ќе биде ли поттик за нашите?

20. јануари 2013 - 13:11

Скандалозното патешествие во организација на ИХФ од Севиља до Барселона во траење од скоро половина ден, да се надеваме дека нема да остави големи траги на веќе изморените и измалтретирани наши најдобри спортисти. Ракометарите ветуваат дека и покрај тоа ќе најдат сила за уште еден успех денес. Но, прашањата „зошто беше одбрана Севиља?“, „дали ИХФ покажа организациска непрофесионалност?“, „дали сега зборовите“... дека и на Северен пол да ги праќаат, тие мора да играат...“ се тест кој ИХФ го експериментира во својата неорганизираност?“, „дали само се потврдува она што и сите одамна го знаат, дека европска и светска ракометна органзицаија се различни како професионалци и аматери во ракометот?“, ќе останат неодговорени веројатно до завршувањето на СП. Да се надеваме дека нашите ракометари уште еднаш ќе покажат дека се најдобри кога им е најтешко.