Имајќи предвид дека за многумина прославата на 1 Мај е незамислива без добра скара, за да биде сочно и вкусно месото потребно е да се маринира.
Маринадата е она што му дава на месото посебен вкус и мекост. Затоа, се препорачува месото да мирува најмалку 2 до 3 часа пред да го ставите на скара. Готвачите веруваат дека најдобрите парчиња месо може да пропаднат ако претходно не сте ги маринирале.
Иако на интернет може да се најдат многу верзии за маринада, онаа што ја најдовме на каналот Puring's Kitchenette на YouTube може да се користи за различни видови месо.
Потребни состојки:
- 1 шолја соја сос
- ¼ шолја сок од лимон
- 4 лажици стопен путер
- 1 шолја кафеав шеќер
- 1 шолја кечап
- 2 лажици Вустершир сос
- 6 чешниња лук (ситно сечкани)
- ½ лажица бибер
- ¼ лажица сол
Подготовка:
Додадете ги состојките во сад една по една и убаво измешајте додека смесата не се соедини. Месото прелијте го со маринадата и оставете го во фрижидер најмалку 2 часа.
Доколку не сте се опремиле на време и ги немате сите потребни состојки за овој тип на маринада, ова се основните состојки што треба да ги има секоја маринада:
- маслиново масло
- киселина за омекнување на протеини (сок од цитрус, оцет, вино),
- кромид или лук
- свежи или сушени билки
- сол
- бибер