Поранешниот лидер на средниот ред на Манчестер Јунајтед не е убеден дека Ромелу Лукаку е вистинскиот напаѓач за најтрофејниот англиски клуб. Белгиецот постигна само четири гола во досегашниот тек на сезоната, а критиките за неговата игра доаѓаат од сите страни.
Ромелу Лукаку потпиша за Манчестер Јунајтед во летото 2017 година за сума од 85 милиони евра и оттогаш постигна 31 гол во 62 натпревари за англискиот клуб.
Белгискиот интернационалец постигна четири гола во оваа сезона, но неговата игра е разочарувачка и поради тоа е мета на критики од фановите на Јунајтед, но и од клупските легенди, кои сметаат дека тој не е на потребниот стандард за да биде напаѓач на овој гигант.
„Мислам дека (Манчестер Јунајтед) никогаш нема да ја освојат лигата со напаѓач како Лукаку. Тој не игра доволно добро надвор од шеснаесетникот. Лукаку не сфаќа колку добар може да биде, но исто така му треба помош бидејќи тој е единствениот класичен напаѓач во клубот во овој момент“, изјави Пол Сколс за ESPN.
Пол Сколс смета дека ниту Маркус Рашфорд ниту Ентони Марсијал можат да му помогнат на Лукаку кога тој ќе биде во лоша форма, па затоа вели дека единствениот начин за подобрување на формата на тимот ја гледа во подобрувањето на формата на Лукаку.
„Тој е млад играч кој може уште да напредува и затоа треба да работи на себе. Брз е и многу снажен, но нема самодоверба“, додаде Сколс.
Англиската легенда се потсети и на неговите играчки денови под водство на Сер Алекс Фергусон, кога во составот на Манчестер Јунајтед имало и по четворица напаѓачи одеднаш. Според него, тоа е многу подобар начин да се поправи нападот кога главниот напаѓач игра лошо.
