Интернет

Скопје доби нов градски информатор

9. јануари 2012 - 14:36 |

Од неодамна во сферата на интернет информирањето стартуваше уште еден информатор. Овој пат станува збор за портал кој ја раскажува азбуката на градот.

Како што велат за себе, тие се портал за деновите и ноќите во Скопје, дневната шема, местата со нашата омилена музика, местата за опуштен муабет, театрите, кината, трговските центри.... Но и за за навивачите, за црвено-жолтите бои, за спротиставените страни, за навивачките песни и местата каде срцата на трибините чукаат во еден ритам, не очекувајќи ништо помалку од победа.

Позади овој проект, стои компанијата ДМС Комуникација која има млад тим ентузијасти кои се вљубени во градот. Велат дека идејата за токму ваков портал ја нашле во непостоењето соодветен простор каде што граѓаните од Скопје ќе се информираат за настаните и случувањата. Инспирацијата ја црпат токму од градот, убавите работи во него и настаните кои што секојдневно се случуваат во Скопје.  Напоменуваат дека целта на овој проект е да изградат портал кој детално, навремено и објективно ќе информира за сите случувања, но истовремено ќе обезбеди масовно информирање за истите користејќи ја моќта на социјалните медиуми.

Отворени и спремни за соработка со сите оние кој го сакаат Скопје, на крајот додаваат: ако сакате да ги прочитате буквите на градот, ако сакате да ја слушнете музиката со која се буди и заспива Скопје, тогаш www.skopjeinfo.mk е вистинскиоте место за тоа и Ве покануваат да спријателите со нив преку www.facebook.com/skopjeinfo.mk.

Коментирај