Nissan може да го замени својот актуелен спотски автомобил, моделот Z, со спортски кросовер сличен на концептот Gripz. Во неодамнешното интервју, претседателот на Nissan во Европа, Пол Вилокс, не ја исклучи можноста за спортски кросовер, но не откри никакви детали.
„Не можам да зборувам за тоа, но мислам дека динамиката и перформансите се дел од брендот на Nissan. Не можам да ја исклучам можноста за спортски кросовер, но не можам ни да зборувам за нашиот следен проект“ - изјави Вилокс.
Идејата за спортски кросовер е присутна веќе неколку години, а минатата година на саемот во Женева беше претставен концептот Gripz на хибриден и бензински погон. Тој најавува како би можел да изгледа евентуалниот спортски кросовер.
Иако засега нема информации од Nissan, многу се големи шансите дека во следните месеци многу повеќе ќе се актуелизира идејата за наследникот на моделот Z.
