Гејминг

Словенски пар ја продаде апликацијата „Talking Tom“ на Кинези за милијарда евра

5. јануари 2017 - 15:31 | Kајгана/Макфакс

Најбогатите Словенци, брачната двојката Иза и Само Логин, според неофицијални информации својот дел во компанијата Outfit7, го продале на кинеската компанија Zhejiang Jinke Entertainment Culture Co.

Нивниот најпознат производ е успешната глобална апликација „Talking Tom“, а според информациите на словенечкиот Finance, цената за една акција е 100 евра, со што вредноста на целата компанија е околу милијарда евра.

Outfit7 е основана во 2009 година, со седиште во Лондон, а има и 14 фирми ќерки, во Словенија, Швајцарија, Јужна Кореа, Хонг Конг, Кина, САД и на Кипар.

Нивната најпопуларна апликација во моментов, „Talking Tom and Friends“, е направена во соработка со Dinesy.

Оваа апликација има 5 милијарди преземања и 300 милиони активни корисници месечно. 

Коментирај