HTC има концепт за револуционерен паметен телефон, а видеото што го покажува овој модел неодамна „протече“ на интернет. Без оглед на тоа дали „протекувањето“ беше случајно или пак намерен маркетиншки потег, HTC Ocean е интересен модел, кој во иднина би можел да стане и комерцијално достапен.
Иако оргиналното видео беше брзо отстрането, интернет корисниците направија реагираа доволно брзо за да го ископираат и споделат со останатите.
Од видеото се гледа дека концептот на HTC воопшто нема физички копчиња
HTC во видеото ја претставува технологијата Sense Touch која ги заменува физичките копчиња, како оние за силата на звукот, за вклучување и гасење на телефонот, како и за употреба на камерата. Исто така HTC Ocean има два објектива на задната страна.
За жал, засега Ocean ќе остане само како концепт.
„Ова е концепт и не претставува ниту еден модел што во моментот е достапен“ - изјави портпаролот на компанијата.