Кога станува збор за дизајнот, смартфоните на Google, Pixel и Pixel XL се меѓу најдобрите телефони со Android. Сепак, корисниците сега почнуваат да се жалат на проблеми со звучниците.
Корисникот на Reddit, Марк Бакман објави видео снимено во текот на користењето на апликациjата Prefect Piano, која е практично неупотреблива поради проблемите со звучниците.
Сличен проблем пријавуваат и други корисници кои ги тестирале своите уреди, а проблемот се јавува и по надградбата на Android 7.1.1 оперативниот систем.
Истиот тест, разни корисници го извеле и на неколку други смартфони, како OnePlus 3T и iPhone 7, но проблемот не е присутен кај овие модели.
Некои од корисниците, овој проблем на Pixel го пријавуваат уште од октомври, а кај некои се манифестира при слушањето музика на Chrome, Facebook или YouTube.