Британскиот актер и поранешен боксер Бредли Велш, познат по филмот „Trainspotting 2“ вчера беше смртно застрелан со огнено оружје во главата на улица во западен Единбург.
Полицијата ја потврди смртта на актерот, истакнувајќи дека истрагата е во тек.
Синоќа околу 20:00 часот по локално време било пријавено дека на улицата има пукотици. На местото веднаш пристигнале специјалци и возила на Итна помош, но Велш починал пред да биде одведен в болница.
Во младоста, Велш бил истакнат фудбалски навивач, а 1993 година станува британски аматерски шампион во бокс, во лесна категорија. Актерското деби го има во епизода од документарната серија Danny Dyer's Deadliest Men, посветена на познати боксери и борци.
Бил иницијатор и на добротворни проекти за младите во Единбург, со акцент на психо-физичкото здравје и рамноправноста.
Велш имаше 42 години.
