Синоќа на вечерното небо над српската престолнина група дронови правеа шоу по повод празникот меѓу народот познат како Сретење, односно Денот на државноста.
Србите овој празник го празнуваат на 15 февруари како помен на Првото српско востание од 1804 година против Отоманското Царство. Но, и како сеќавање на првиот модерен српски Устав од 1835 година кој бил донесен во Крагуевац и кој е познат како Сретењски устав. Поради тоа овој празник е познат и како Ден на уставноста.
Нашите северни соседи велат дека овој ден е најважниот датум во политичка, културна и историска смисла во нивниот календар.
Се славел сѐ до настанувањето на Кралството СХС, кога бил укинат. Не се славел ни во Југославија, а бил возобновен во 2001 година.