Сончево и потопло со мала до умерена облачност. По одделни котлини ќе има услови за појава на утринска магла. Ќе дува слаб ветер од западен и северозападен правец.
Утринските температури ќе се движат од -5 до 2 Целзиусови степени, додека дневните ќе бидат во интервал од 11 до 18 степени.
Во Скопје и околината слично време со дневна температура до 14 степени.
Продолжува периодот на стабилно и потопло време, што ќе услови постепено топење на снежната покривка на планините. И утре ќе има услови за утринска магла по одделни котлини.