Времето денеска ќе биде сончево и потопло со мала до умерена локална облачност и слаб ветер, претежно од јужен правец. Во западните делови е можна краткотрајна појава на врнежи од дожд.
Утринските температури ќе се движат од 12 до 21 степен, додека дневните ќе бидат во интервал од 22 до 35 степени.
Во Скопје и околината слично време со дневна температура до 33 степени.
УВ индексот ќе изнесува 7.
Во четврток попладне и во петок ќе бидеме под влијание на влажна и студена воздушна маса од север која ќе предизвика пороен дожд, силни електрични празнења и силен ветер. Локално процесите ќе бидат изразени во форма на невреме. Во петок преку ден ќе дува засилен до силен северен ветер, кој на места ќе достигнува брзина и над 90 км/час и ќе предизвика значителен пад на температурата на воздухот. За време на викендот ќе преовладува стабилно и посвежо време.