Времето денеска ќе биде сончево со мала до умерена облачност и со умерен, а вдолж Повардарието и во Пелагонија повремено засилен северен ветер.
Утринските температури ќе се движат од 10 до 17 степени, а дневните температури ќе бидат во интервал од 23 до 32 степена.
Во Скопје и околината слично време со дневна температура до 30 степени.
УВ индексот ќе биде 7.
Претежно сончево ќе биде и во четврток, кога ќе има и значителен пораст на температурата. Од петок во попладневните часови ќе има појава на нестабилност со локален пороен дожд и грмежи, но и понатаму ќе биде доста топло.
