Времето денеска главно ќе биде и потопло и малку посончево од сабота, со мала до умерена локална облачност и со слаб ветер од променлив правец, а УВ индексот ќе има вредност 7.
Максималната температура долж Повардарието ќе биде во границите од 31 до 34 Целзиусови степени, а во останатите региони од земјата меѓу 24 и 29 степени. Во Скопје и околината максималната температура се очекува до достигне 32 степени.
Во понеделник ќе преовладува сончево и топло време со мала до умерена локална облачност, а кон крајот на денот ќе има локален дожд.
Значителна промена на времето се очекува од вторник, па до крајот на наредната работна седмица, кога под влијание на влажни бранови ќе има поголема количина на воден талог.
На повеќе места во вторник и среда процесите ќе бидат интензивни проследени со обилни врнежи од дожд и во форма на невреме. Не е исклучена и појава на грмежи. Поради зголемената облачност и северното воздушно струење, температурата на воздухот значително ќе опадне.