Времето денеска ќе биде сончево со мала облачност и слаб јужен ветер. По одделни котлини во утринските часови ќе има појава на слаба магла.
Утринските температури ќе се движат од -2 до 3 степени, додека дневните ќе бидат во интервал од 13 до 20 степени.
Во Скопје и околината слично време со утринска температура околу 1 и дневна до 16 степени.
Во петок ќе се задржи стабилно и топло време со услови за слаба утринска магла по котлините. Во текот на ноќта кон сабота и во сабота преку нашето подрачје ќе помине влажен бран, кој ќе предизвика зголемување на облачноста и повремени врнежи од дожд, а на повисоките планини од снег. Повеќе врнежи се очекуваат во западните и северните делови.