Времето денеска ќе биде сончево и топло со мала до умерена облачност, а од пладневните часови со северoзападен ветер, кој на север и вдолж Повадарието ќе засилува.
Попладне во североисточните делови ќе има услови за нестабилност со краткотраен пороен дожд и ретки грмежи. Минималната температура ќе се движи од 14 до 20, а максималните од 31 до 40 степени.
Во Скопје се очекува сончево и топло време со мала до умерена облачност, а од пладневните часови со северoзападен ветер, кој повремено ќе засилува. Температурата ќе се движи од 20 до 37 степени.
Од петок ќе започне и период со променлива облачност. Од попладневните часови и потоа преку ноќта и во сабота ќе биде нестабилно со пороен дожд, грмежи и повремено засилен северен ветер, претежно во источните и јужните делови.
Во недела во претпладневните часови врнежите ќе завршат, а овој ден ќе биде најсвеж во периодов со температура која на повеќето места нема да надмине 30 степени.