Времето денеска во Македонија ќе биде сончево со умерена облачност, а ќе дува слаб до умерен северен ветер, соопштија од УХМР.
Минималната температура ќе се движи од 0 до 8 степени Целзиусови, а максималната од 19 до 26 степени.
Во Скопје, сончево со умерена облачност и со слаб северен ветер, со температури од 6 до 24 степени.
И вo наредните денови нашето подрачје ќе се наоѓа во поле на висок воздушен притисок, поради што ќе продолжи периодот на сончево време со мала до умерена облачност и со свежи, на места и студени утра. Дневната температура ќе биде без значителни промени.