Новиот бран на технологија ги притиска компаниите да одат чекор понатаму во нивните иновации, а Sony секогаш е спремен да ја предводи револуцијата. Оваа компанија ги произведе првите индустриски четирислојни Blu-ray дискови со огромен капацитет.
Новите BDXL дискови на Sony имаат капацитет од 128GB и се први дискови со толкав простор за податоци во светот.
Blu-ray дисковите не се rewritable, што значи дека на нив може да се запише содржина само еднаш. За да можете да ги користите потребно е да имате специфични Blu-ray драјвови за вметнување на податоци.
Пред овој технолошки напредок, Blu-ray дисковите беа ограничени на три слоја и капацитет до 100GB. Од Sony истакнуваат дека новите дискови се четирипати побрзи во впишување на податоци во однос на регуларните Blu-ray дискови.
Новите BDXL Blu-ray модели би можеле да помогнат при олеснување на сместувањето на содржина која треба да се зачува, а тие се посебно корисни за гејмерите.
Денешните видеоигри се сѐ поголеми („Red Dead Redemption“ се испорачува на два двослојни Blu-ray дискови) и многу често бараат огромен капацитет на дискот за инсталацијата која зафаќа простор од преку 50GB.
Четирислојните BDXL дискови од 128GB на компанијата Sony чинат по 13 евра за парче.