Сексуалната желба кај луѓето не згаснува со текот на годините. Секс терапија е вид на разговорна терапија која има за цел да помогне на паровите да ги решат сексуалните проблеми, без разлика дали се од психолошки, лични или медицински причини.
Сексологот Стивен Снајдер, за Independent изјави дека првото нешто што треба да го знаете кога се впуштате во сексуалните односи е тоа што треба да ви предизвика сексот. Според него, паровите се чувствуваат осамени иако се во врска, а главна причина е тоа што љубовната врска им се врти околу сексот.
Од друга страна, најсреќните парови се сложуваат во сè, не само во сексуалниот живот.
„Најсреќните парови се возбудени што ќе поминат време заедно, иако тоа не значи дека секогаш ќе имаат секс“.
Тој истакнува дека предиграта е важна затоа што на тој начин физички и психички се подготвува телото за сексуален однос.
Снајдер вели дека не сите оргазми се исти, а целта на партнерите треба да им биде уживање во сексот наместо брзање да доживеат оргазам.
Кога станува збор за оргазмот, сексуалниот терапевт Сара Купер, на жените им става до знаење дека нивното задоволство и оргазмот се подеднакво важни како оние на партнерот.
За постигнување на здрав и испoлнет сексуален живот, важно е со партнерот да разговарате за она што сакате, а тоа започнува прво со разбирање на сопственото тело, сексуалноста и желбата.