Дополителниот заменик-министер за труд и социјална работа, Диме Спасов дал исказ во полициската станица Карпош, а изјави дадоа и други лица, инволвирани во настаните. Медиумите кои се повикуваат на полициски извори велат дека тој поднел кривична пријава против неколку лица од албанска етничка припадност од скопската населба Серава, кои ноќта наводно го бркале и го нападнале, а попладнево добиле кривични пријави.
Станува збор за нова верзија за неколкуте сообраќајни инциденти што ги предизвика Спасов во скопската населба Тафталиџе. Тој досега со медиумите контактираше само преку соопштението од неговиот кабинет. Во оваа верзија, која ја пренесуваат медиумите, се потврдува дека Спасов и сопатничката се движеле од Градски стадион до Тафталиџе кон улицата „Алжирска“ каде биле сопрени од полицијата, по првата сообраќајка што се случила во близина на Градскиот парк, од каде е добиена и првата пријава од оштететен граѓанин.
Засега не е познато каков исказ дал Спасов во станица, но Министерството за внатрешни работи во билтенот за инцидентот од петокот веќе ги потврди информациите на медиумите дека тој бил функционерот кој предизвикал сообраќајна незгода и избегал при увидот на полицијата.
Заменикот-министерот Диме Спасов поднел кривична пријава до неколкумина луѓе, за кои тој тврди дека се насилниците кои вчеравечер го нападнале и го бркале возилото во кое се превезувал.
Според полицискиот извештај, Спасов направил два сообраќајни инциденти и побегнал од полицијата кога бил сопрен, а неговата сопатничка останала во полиција и дала исказ. Потоа, на местото на инцидентот на улицата „Алжирска“ се појавило трето лице кое тврдело дека тоа го управувало џипот „туарег“. Според сознанијата на медиумите, лицето кое се пријавило како сторител на незгодата, е личниот возач на министерот Спасов, вработен Минисерството за труд и социјална политика.