Видеоспотот на рок ѕвездата Дејвид Боуви за нумерата „Lazarus“ ден по неговата смрт на Vevo е прегледан 11,1 милион пати, со што стана видео со најголем број прегледи во еден ден, уривајќи го рекордот што дотогаш го држеше Адел.
На 23 октомври Адел го постави рекордот на Vevo со објавување на видеото за песната „Hello“, пишува Vulture.
Бројот на прегледи на видеото „Lazarus“ на YouTube ја достигна бројката од 20 милиони.
Дејвид Боуви почина на 10 јануари, губејќи ја шестгодишната борба со ракот на црниот дроб. Неговиот последен студиски албум со наслов „Blackstar“, на кој е синглот „Lazarus“, излезе на 8 јануари, точно на неговиот 69-ти роденден, два дена пред смртта.
[jw: https://www.youtube.com/watch?v=y-JqH1M4Ya8]