Во Секторот за внатрешни работи Скопје вчера во 11:15 часот било пријавено дека во средното училиште „Арсениј Јовков“ од страна на Е.Џ. (17), А.Б. (16) и уште едно лице со употреба на нож бил нападнат С.Р.(18) од Скопје, а потоа физички нападнале уште тројца ученици на возраст од 17 и 18 години.
Веднаш по нападот тие го напуштиле местото на настанот.
С.Р. бил пренесен во Градската општа болница „8 Септември“ за укажување лекарска помош. Се преземаат мерки за расчистување на случајот.