Претседателката на Собранието на Србија, Ана Брнабиќ, на својот официјален X профил реагираше на новиот потег на опозицијата - некрологот испечатен за претседателот на Србија, Александар Вучиќ.
„Сериозно болни и длабоко вознемирени луѓе кои го прават ова и мислат дека е политика, ќе го добијат одговорот на народот на изборите во Белград на 2 јуни. Надлежните органи веќе работат согласно законот, бидејќи ова не е ни смешка, ниту е забавно, туку длабоко вознемирувачко за секој ормален човек и претставува јасна и недвосмислена закана за животот на претседателот на Србија, Александар Вучиќ“, напиша Брнабиќ.
Таа додаде дека „ова е резултат на политиката на Ѓилас ‘Србија против насилство’ и против тоа ќе се бориме секоја минута, секој час, секој ден, засекогаш. Секогаш со претседателот на Србија Александар Вучиќ и неговото семејство.“