Американскиот актер Силвестер Сталоне на социјалните мрежи официјално се збогува со улогата на боксерот Роки Балбоа, лик кој го толкуваше во седум филмови.
„Ова е веројатно моето последно родео, тоа што се случи никогаш не го очекував“, напиша 73-годишниот актер. „Мислев дека сè е завршено со Роки во 2006 година и со тоа бев задоволен. Одеднаш се појaви тој млад човек (Мајкл Б. Џордан) и целата приказна се промени“, напиша Сталоне.
Ликот на Роки се појави во шест филмови од кои последниот се прикажа во 2006 година, а потоа по седми пат во „Creed: Legend Is Born“ во 2015 година, во кој стана главен тренер на ликот Aдонис Џонсон.
Во 2016 година улогата на Роки му донесе Златен глобус на Сталоне по 40 години откако беше номиниран како сценарист за првиот филм од овој серијал во 1976 година.