Среда, 01.10.2008
На саемот на технологија CEATEC во Јапонија, Fujitsu претстави телефон кој може да се расклопува и склопува во разни конфигурации.
Денес, на пазарот имаме модели на преклоп, на лизгање, па дури и ротациони. Секоја од конфигурациите има свои предности и недостатоци, па Fujitsu во соработка со Docom се сети да направи телефон кој може да се конфигурира по желба на корисниците.
Тајната е во уредот кој се состои од два скоро независни делови кои се спојуваат со магнети, а оперативниот систем може да ги искористи двата дела како еден телефон.
Во модулот со екранот се наоѓа оперативниот систем, самиот екран на допир и камерата. Тастатурата содржи комуникациски дел за конектирање на мобилната мрежа, Bluetooth и Wi-Fi адаптер.
Мобилниот телефон засега е во фаза на прототип и нема име, па непознато е дали Fujitsu планира да го произведува масовно.
