Nokia го објави купувањето на Oz Communications, компанија која работи на развој на алатки за комуницирање кои се користат кај мобилните, со што на своите корисници планира да им овозможи пристап и бесплатно користење на instant messaging и e-mail сервиси, преку нивните телефонски апарати.
Од Oz Com пак, сеуште не откриваат никакви финансиски детали околу оваа аквизиција, која се очекува да биде финилизирана до крајот на оваа година. Оваа канадска компанија веќе има околу 220 работници.
Претставници од Nokia појаснуваат дека највеќе ги привлекува технологијата на Oz Communications, која е целосно компатибилна за користење со други комуникациски апликации создадени од Microsoft, Google и Yahoo. Oz соработува со Nokia од 2003, a освен со нив оваа компанија изработува апликации и за АТ&Т, Orange, Samsung, Sony Ericsson и други.
