Хари Потер најпрофитабилен од сите

Понеделник, 06.10.2008

Британката Џ.К. Роулинг, жената која ги напиша книгите за Хари Потер, во минатата година заработила највеќе од сите свои колеги писатели.

Веста ја објави американскиот магазин Форбс, кој наведе дека Џеј Кеј Роулинг минатата година остварила заработка од близу девет долари по секунда. Авторката на планетарно популарниот роман минатата година заработила вкупно 170 милиони долари.

Пред да стекне светска слава, Џ.К. Роулинг живеела од мала месечна социјална помош како самохрана мајка. Романот за момчето магионичар преку ноќ ја претвори во најпродаваниот светски писател и милијардер.

Книгата за Хари Потер преточена во филм досега ширум светот има заработено вкупно две ипол милијарди долари.