Еден од новитетите на салонот за автомобили во Париз е компактниот волуменец Citroen C3 Picasso, кој во целост ги следи модерните трендови на францускиот производител.
Одважниот изглед и купчето иновации се главните предности пред конкурентите како Renault Grand Scenic или Opel Meriva. Сепак, освен атрактивниот дизајн, вистинските адути на Citroen C3 Picasso се удобноста за пет патници, пространоста, големиот багажник (од 390 до 1500 литри), стаклениот кров и практичноста на кабината (задната клупа може да се поместува по длабочина).
Citroen C3 Picasso ја користи платформата на Peugeot 207, долг е 408 сантиметри (20 см повеќе од класичниот Citroen C3), широк е 174 см и висок 162 см, со меѓуосовинско растојание од 254 см.
За почеток, ќе го движи 1.6 литарски HDI дизелаш од 90, односно 109 КС, како и бензинците 1.4 VTi (95 KС) и 1.6 VTi (120 КС).
