Годишниот состанок на министрите за одбрана на земјите од Југоисточна Европа, ќе се одржи од седми до деветти во Охрид.
Овој состанок е десетти по ред и претставува јубилеј, бидејќи годинава, се навршуваат десет години од потпишувањето на договорот за Мултинационалните мировни сили на југоисточна Европа. Денеска во процесот се вклучени 12 земји полноправни членки: САД, Албанија, Бугарија, Македонија, Романија, Турција, Украина, Хрватска, Словенија и Босна и Херцеговина, како и четири земји набљудувачи Грузија, Молдавија, Црна гора и Србија.
Македонија активно учествува во СЕДЕМ процесот од самиот почеток, што го покажа со ангажирањето на војници во бригата СЕЕБРИГ од нејзиното формирање. Со организација на годинешниот состанок земјава уште еднаш силно ги потврдува нејзините напори за зајакнување и подобрување на регионалната соработка, а посебно на добрососедските односи, наведено е во соопштението од ресорното министерство.
