Дебарската полиција спречила шверц на околу 800 килограми кафе, кое двајца дебарчани имале намера да го прошверцуваат во Албанија.
Во петокот во доцните попладневни часови, во близина на македонско-албанската граница, кај дебарското село Коњаре фатени се браќата С.Б и Р.Б. од Дебар, кои во товарно моторно возило, со кое управувал Р.Б. превезувале 13 вреќи со кафе во зрна.
Вредноста на запленетата стока се проценува на околу 200 илјади денари. Против двајцата ќе биде поднесена кривична пријава.
Ова е најголема количина запленета годинава. Лани на овој дел од границата, во близина на селото Спас, припадниците на мобилната единица „Алфи“ запленија 1,4 тони кафе, кое за Албанија се обиделе да го шверцуваат исто така дебарчани.
