Лионел Меси доби забрана за учество на меѓународни дуели во дресот на Аргентина во траење од три месеци.
Казната за ѕвездата на „гаучосите“ следи по неговите остри зборови упатени кон КОНМЕБОЛ, кои дојдоа откако Аргентинците беа елиминирани од Копа Америка.
Во директен текст, Меси ги обвини јужноамериканските фудбалски шефови за корупција и изјави дека судиите на турнирот имаат за цел Бразил да го освои трофејот.
Така, петкратниот освојувач на „Златната топка“ нема да може да игра за својата репрезентација на претстојните три пријателски натпревари – против Чиле, Мексико и Германија.
Покрај привремената дисквалификација, Лео ќе мора да плати и 50.000 американски долари на Јужноамериканската федерација.