Redmi го претстави лаптопот RedmiBook 13 кој претставува помала верзија на постоечкиот уред RedmiBook 14.
Новиот лаптоп стигна со десетта генерација Intel Core i5 и Core i7 процесор, како и Nvidia GeForce MX250 графичка картичка.
RedmiBook 13 има метално куќиште, тежи 1,23 килограми и е со дебелина од 17,8 милиметри.
Лаптопот содржи 13,3-инчен LCD дисплеј со 1080 x 1920p Full HD+ резолуција. Екранот има 16:9 однос на страниците и нуди агол на гледање од 178 степени.
И двете верзии на лаптопот (со Core i7 и со Core i5) имаат 8GB RAM и 512GB SSD простор за складирање.
Оперативниот систем е Windows 10. Присутни се вообичаените опции за конекција - Wi-Fi 802.11ac, Bluetooth 5.0, USB 3.1, HDMI и 3.5mm приклучок.
Исто така, има два 2W звучници со DTS аудио поддршка. Батеријата од 40W со едно полнење може да трае до 11 часа.
Лаптопот RedmiBook 13 со Core i7 и Core i5 процесор во Кина се продава по цена од 782, односно 682 долари.
Од денеска ќе има и Moonlight Silver варијанта. Засега не се знае дали лаптопот ќе биде достапен во глобална продажба.
