Стјуардите на ФИА за Австралиското ГП ја одбија жалбата на Ферари и обидот да се повтори истрагата за казната на Карлос Саинс на трката во Мелбурн по која го загуби пласманот на подиумот.
Саинс падна од четвртото место на последното во пласманот на трката, откако доби казна од 5 секунди за судирот со Фернандо Алонсо во Астон Мартин при рестартот на трката. Стјуардите му ја доделија казната при третото црвено знаме и финишот зад безбедносното возило, по што Саинс се жалеше дека се работи за „најнефер казна“ што ја видел во Формула 1.
По трката, Ферари побараа ревизија на одлуката на стјуардите, но за да им се дозволи тоа, требаа да дадат „дополнителни и релевантни“ информации кои не им биле достапни на стјуардите при првата одлука. Ферари дадоа податоци од телеметријата на болидот на Саинс, изјава од него и изјави од други возачи, вклучувајќи го и Алонсо. Трите беа одбиени.
