Новиот iPhone со три камери предизвика реакции кај луѓето кои страдаат од трипофобија, состојба која не е болест ниту пак спаѓа во категоријата на ментални нарушувања. Па што тогаш претставува трипофобијата?
Трипофобијата спаѓа во категоријата на специфични фобии. Таа претставува страв и непријатно чувство од неправилни линии, повеќе мали дупки или испакнатини на едно место.
Овој вид на фобија е прилично нов во јавната свест и затоа сѐ уште не е доволно истражен и медицински непризнат. Но, таа дефинитивно постои. Тоа го потврдија и реакциите на многумина за новиот модел на iPhone кој на задната страна има три мали камери, доволно за ги исплаши оние што страдаат од оваа фобија на модерното доба.
Не постои посебна терапија за трипофобијата освен онаа стандарната за сите фобии, односно терапија преку изложување на она што го предизвикува стравот.
Зборот трипофобијата потекнува од грчките τρῦπα што значи „дупка“ и φόβος, односно „страв“.
Оваа фобија привлече внимание и пред две години благодарение на филмот „American Horror Story“ во кој имаше лик кој страда од трипофобија.
