Студија: Создавањето на суперконтинент може да ја направи Земјата непогодна за живеење

Формирањето на суперконтинент на Земјата би можело да ги уништи луѓето и сите други цицачи кои сè уште ќе постојат за 250 милиони години, тврди нова научна студија.

Масовното изумирање првенствено би било предизвикано од топлински стрес како резултат на поголема вулканска активност што внесува двојно повеќе јаглерод диоксид во атмосферата од сегашните нивоа, постаро сонце кое емитува повеќе радијација и обемот на копнените пустини во тропските предели.

Се очекува суперконтинентот Пангеја Ултима (наречен уште и Неопангеја, Пангеја Проксима и Пангеја II) да се обликува кога сите сегашни континенти ќе се спојат заедно во далечната иднина. Трудот, објавен во понеделникот во списанието Nature Geoscience, е првиот обид да се моделира колку екстремна може да стане климата поради тоа геолошко преуредување.

Користејќи го климатскиот модел UK Met Office и суперкомпјутерот на Универзитетот во Бристол, симулацијата исто така обезбеди тектонски индиции за минатите настани на истребување и податоци кои би можеле да бидат корисни за астрономите кои бараат други планети погодни за живот.

Во ерата на Пангеја Ултима, температурните екстреми се очекуваат да бидат драматични, со повеќе влага отколку сега долж бреговите и екстремно суви услови во огромните копнени пустини. Во овој свет, глобалните температури би можеле да се зголемат за 15 степени (и до 30 Целзиусови степени на копно) над прединдустриските нивоа, враќајќи го светот на екстремната топлина што последен пат ја доживеа во Пермско-Тријаскиот период, пред 260 милиони години, кога повеќе од 90% од видовите биле искоренети. Продолжените периоди на топлина над 40 степени би биле над нивоата на толеранција на многу форми на живот.

Цицачите се најголемата еволутивна успешна приказна во светот, особено по смртта на диносаурусите за време на последното големо истребување, но способноста на цицачите да се прилагодат на топлината можеби е премногу бавна. Ова ги вклучува луѓето кои на Земјата се релативно кратко време.

Хоминидите се појавиле пред околу 6 милиони години кога светот бил многу поладен отколку во времето на диносаурусите. Иако нашиот вид еволуираше неверојатно брзо, ќе се соочиме со огромни предизвици во ерата на Пангеја Ултима, под претпоставка дека ќе ја преживееме тековната климатска криза, предизвикана од самите себе, и масовното истребување на другите видови.

Освен директните ефекти од горештините, сериозни проблеми со снабдувањето со храна би имало и поради распаѓањето на вегетацијата. Во трудот се наведува дека повеќето растенија добиваат стрес на температури повисоки од 40 степени и дека целосно се расипуваат доколку подолго време се изложени на 60 степени.

Главниот автор на трудот, Александер Фарнсворт од Универзитетот во Бристол, рече дека можноста за уште едно истребување, вклучително и на луѓето, е отрезнувачки потсетник за минливоста.

„Земјата има многу променлива средина. Луѓето се многу задоволни со она што го имаме сега и не треба да ја туркаме сопствената клима подалеку од постудената клима низ која еволуиравме. Ние сме доминантниот вид, но Земјата и нејзината клима одлучуваат колку долго ќе трае тоа. Она што следува е нечија претпоставка. Доминантниот вид би можел да биде нешто сосема ново“, рече тој.

Авторите признаваат дека нивните предвидувања имаат високо ниво на несигурност поради ултра долготрајната временска рамка, но се надеваат дека студијата, започната за време на пандемијата, ќе обезбеди корисни сознанија за минатите настани на масовно истребување и можната населливост на други планети.

Досега, кога астрономите ги скенираа далечните галаксии за планети кои би можеле да обезбедат алтернативен дом за луѓето, тие главно размислуваа за растојанието од најблиското сонце и присуството на вода. Една нова студија покажува дека тектониката е исто така важен фактор за одредување на климата на планетата.

„Ако НАСА би можела да испрати вселенски шатл на само една планета, тогаш би избрал една која нема суперконтинент. Подобро е да има неколку континенти расфрлани наоколу, како што е сега случајот на Земјата“, вели научникот.

Тагови
реклама

Производи што не треба да се користат по истекот на рокот

Read more

Потврдено: Претседателот на Иран загина во пад на хеликоптер

Read more

Го донесе Југото во Америка, а сега претставува електричен автомобил за широките маси

Read more

Поразениот Фјури со тешка повреда во болница го испратил победникот Усик

Read more

Вести

Уредите на Apple наскоро ќе може да се контролираат со очи

Read more

Австралија целосно ги гаси 3G мрежите

Read more

Јапонците ќе го градат првиот брод на пелети

Read more

Минатото лето беше најжешкото во последните 2.000 години

Read more
 

Гик

Откриен мистериозен подземен влез во близина на Големата пирамида

Читај повеќе

Готово е: Од денеска само X

Читај повеќе

Голема закана за YouTube: TikTok тестира видео од 60 минути

Читај повеќе
  • play_arrow

Grand Theft Auto 6 ќе пристигне во 2025 година

Читај повеќе
  • play_arrow

ChatGPT доби надградба на која само небото ѝ е граница

Читај повеќе

Canon потврди: Доаѓа моќниот EOS R1

Читај повеќе

Приватен простор и подобaр мултитаскинг: Пристигна Android 15 Beta 2, еве што сѐ носи

Читај повеќе

Никола Тодороски: „Наша гордост. Наша одговорност“ ми отвори нова перспектива колку може позитивно да се влијае

Читај повеќе

Микробите и нивното изненадувачко влијание врз нашето социјално однесување

Читај повеќе