Британските рокери Coldplay, Beyonce и Bruno Mars имаа впечатливи настапи за време на паузата помеѓу двете полувремиња на 50-то издание на Супер боул натпреварот, настан кој редовно ги руши рекордите на гледаност, кога се во прашање спортските натпревари.
Групата Coldplay за време на својот 15-минутен настап изведе некои од своите најголеми хитови „Viva La Vida“, „Paradise“, „Adventure of a Lifetime“. Бруно Марс го изведе својот планетарен хит „Uptown Funk“, а потоа на Бијонсе и помогна да го изведе нејзиниот најнов сингл „Formation“, со кој ја најави својата турнеја, која ќе стартува на 27.април, и која вклучува настапи во 40 градови, во САД, Канада и Европа.
На почетокот на мечот, Lady Gaga, ја испеа химната на САД.
[jw: https://www.youtube.com/watch?v=L_Hgh7sPDLM]