Здравје

Суперхрана против висок холестерол

10. мај 2017 - 17:37 | А.С.

Правилната исхрана е најважна во справувањето со високиот холестерол во крвта.

Првиот чекор е да престанете да внесувате храна што содржи „лош“ холестерол (LDL) што предизвикува замастување на артериите. Тоа се полномасни млечни производи, јајца, палмино масло, кокосов путер...

Вториот чекор е да почнете да се храните со намирници што го намалуваат холестеролот на разни начини. Некои се богати со лесно растворливи растителни влакна, други со полинезаситени масти што директно го намалуваат ЛДЛ, а други содржат стероли и стеноли што го блокираат апсорбирањето на холестеролот во телото.

Третиот чекор е да почнете со физичка активност согласно вашите можности и потреби и на тој начин да придонесете за подобра циркулација на крвта и тонус на мускулите.

Оваа суперхрана ќе ви помогне на природен и здрав начин да го доведете холестеролот во граници што нема да претставуваат ризик по вашето здравје.

Овес и јачмен

Лесен прв чекор во борбата против покачениот холестерол е да почнете да јадете овес. Овесна каша со овошје како банана или јагоди ќе ви даде 1 до 2 грама растворливи влакна (Дневно треба да внесувате 20 до 35 грама растителни влакна, од кои 5 до 10 да бидат растворливи). Јачменот има слични својства како овесот, а плус е добар за срцето.

Мешункаст зеленчук

Богат со растворливи растителни влакна, мешункастиот зеленчук е одличен за заситување на чувството на глад, па нека биде неизоставен дел на вашиот ручек или вечера. Јадете го во салати, чорби или како варен прилог.

Модар патлиџан и брокула

Содржат малку калории, а богати се со растворливи влакна

Јаткасти плодови

Многу истражувања покажуваат дека исхраната богата со бадеми, ореви, кикирики и друго јаткасто овошје е добро за срцето. Оваа храна исто така е добра за намалување на холестеролот. Доволно е да внесете 57 грама од овие плодови во текот на денот и ќе го намалите „лошиот“ холестерол за 5%.

Јаболка, грозје, јагоди, портокали, лимони, цитрони

Ова овошје е богато со пектин, тип на растворлива материја што го намалува LDL.

Риба

Најмалку два пати неделно јадете риба која е богата со омега 3 масни киселини. Изберете лосос, ослиќ и други „масни“ риби.

Лук

Дали треба уште да се зборува за поволното дејство на лукот врз организмот? Ако не можете да го поднесете мирисот, побарајте суплементи во вид на капсули.

Коментирај