Една од најинтересните човечки карактеристики е тоа што луѓето со пониска интелигенција често мислат дека се попаметни, а оние со високо ниво на интелигенција редовно се потценуваат во овој поглед.
Ова е ефектот Данинг-Кругер, а со манифестации на оваа теорија се среќаваме секојдневно, особено преку социјалните мрежи.
Еден корисник на Reddit го постави прашањето „Кој е суптилен знак дека некој е многу интелигентен?“ А одговорите многу јасно покажаа како навистина се однесуваат паметните луѓе. Еве некои од најдобрите одговори:
„Тие црпат мудрост од различни извори - можеби се работи повеќе за мудрост отколку за интелигенција, но двата концепта се силно поврзани.“
„Си ја знаат публиката - го прилагодуваат начинот на кој комуницираат со личноста со која разговараат без да се однесуваат како да зборуваат ‘од високо’.“
„Способни се да развијат префинето чувство за својата работа - сфаќате дека некој е интелигентен кога ќе забележите колку длабоко е способен да навлезе во областа во која работи и да ја врши својата работа на посебно ниво.“
„Љубопитност - за сè. Оној кој е интелигентен мора да биде љубопитен.“
„Одлични се во пренесувањето на идеи - кога ќе ви објаснат нешто и вие се чувствувате интелигентно.“
„Поставуваат прашања внимателно и одмерено - добро размислуваат пред да постават прашања.“
„Успеваат да пренесат тешки идеи со едноставни - сè изгледа лесно кога излегува од нивните усти, дури и кога станува збор за сложени работи.“
„Тие се свесни за работи кои не ги знаат - знаат кои се ограничувањата на нивното знаење и не се двоумат да го признаат тоа.“
„Слободоумни се - лесно ќе размислат за идеја која не е во склад со нивниот светоглед.“
„Учат од грешките – признаваат кога згрешиле и учат нешто од секое такво искуство.“
„Имаат смисла за хумор - навистина смешните луѓе често се многу паметни и умеат да бидат смешни на различни начини и на многу нивоа.“
„Љубов кон учењето - велат дека сакаат да учат и да учат нешто секој ден. Тие слушаат повеќе отколку што зборуваат.“
